轉載: 職場慧眼：進退兩難的護士（中）

轉載: 張慧敏APPLEDAILY

職場慧眼：進退兩難的護士（中）

「我係你忠實擁躉，你教我哋要忠於自己，為自己做嘅每個決定負責，我真係一路有跟住做。我喺公立醫院做咗十幾年，其間有唔少機會跳槽，但每次我都以自己當日點解揀做護士嘅因由，即使工作幾辛苦環境幾惡劣，我都決定留低堅守崗位。
搞到我哋今日咁水深火熱嘅田地，真係要多得政府同醫管局嗰班垃圾高層。淨係識講風涼話假大空，講就講得不知幾好聽話增撥幾多資源改善提升乜嘢質素乜嘢服務，要我哋將病人當做客戶咁侍候。資源我哋就見唔到，但係工作越嚟越繁重，壓力又大人手流失又嚴重短缺，我哋企係前線日日打仗做到有氣冇碇唞都算，仲要郁啲俾人投訴日日比病人鬧。
最近有一個跳槽去私院對我一向好提攜嘅上司，誠邀我過去同佢一齊做。坦白講我好心動，但係又好似違背我自己當初服務社群嘅承諾。但我年紀唔細錯過今次機會又唔知會唔會有下次，Son姐你話我應該點做好？」

首先請容許我代表香港市民向緊守崗位的所有前線醫護人員致謝及致敬！
你的情況有幾惡劣，因老父是長期病患者，這些年來緊急出入醫院的次數頻繁，我親眼見過不少不知所謂的病人及家屬。你這個問題教我很糾結，站在你的角度為你好我會建議你走。
在一班垃圾廢柴的管治下，不只是你們根本是全香港都不會有運行，只會變本加厲繼續差。但作為一個病人及病人家屬，我很自私地希望你能夠繼續留低，指望萬一有甚麼衫長褲短冬瓜豆腐的時候，能有你這樣盡責專業的醫護人員可以依靠。
豈能盡如人意，但求無愧於心，enough is enough,你就隨心所欲為自己着想做決定吧！

真說出了大家前線的心聲
高層只會說AUDIT, AUDIT完又再AUDIT
只會叫下屬讀書讀書, 但又"姑寒"一日半日的STUDY DAY或者幾千蚊, 每每跟前線計住計住
病人就愈來愈無理, 高層又不維護前線 (一味就把責任推到junior身上)
真的令人非常氣餒...

護士是服務人的行業
但「上了神枱」的高層, 又何曾用人的思維去反省他們的暴政?
到頭來, 還走來怪責護士們無好好服務人群
真是好笑啊

而且, 這個服務人的行業,
政府真的甚少撥資源給前線們.
反而高職倒是年年加花紅.
又何嘗不令護士們氣憤?!

轉載: 職場慧眼：灰到盡頭小護士（上）

轉載:  張慧敏 applydaily

職場慧眼：灰到盡頭小護士（上）

「畢業頭幾年我在地獄的政府醫院做，壓力大要追更，同事不滿士氣低落。人工再高都要走，申請轉去衞生署做。中間為興趣，去咗做大學研究護士，真的輕鬆好多，同事少，氣氛好，忙到要OT都開心，但人工少咗接近三成。最近終於到衞生署返工，但我極之不開心。政府工作死板，全個office是老餅。雖然得閒冇嘢做，但老細睇書上網乜都唔畀。只可以呆坐等收工。老細又老又固執，唯一一次遲咗五分鐘到，佢已經在走廊等我，我覺得佢好煩，好似幼稚園咁乜都管住晒，又冇私隱，又唔尊重人。呢份工人工高返，我為咗可以升職讀緊碩士又要養一家七口，返研究份工真係儲唔到錢。呢份冇咁手緊，我又嚴重心情低落。我已經灰到返工唔出聲唔傾偈唔上網唔玩電話，食飯自己一個人食，真係好孤單。
做私家醫院，人工最高，但要輪更。做政府醫院，人工中，但要輪更。做研究，冇錢開飯。做衞生署，鐵飯碗，個個叫好，但冇目標，冇希望。一年後按道理可以調去另一個部門，但佢到時唔調你都冇計。我只剛開始做，已經日日望日曆諗幾時到一年。唔通真係後生唔捱得？真心希望你可以教教點醒我！」
答之前我先要話你知，我花了成個鐘整理你長篇大論重複不斷埋怨的來文！你說你灰到盡頭，我越睇越激氣！明明是你不成熟不負責任的思想決定及行為，做人做事只顧自己利益只顧自己所想所好為依歸，對工作對崗位對行業都全不尊重，你一手造成你的灰到盡頭，和其他人完全無關！身在福中不知福任性的你，是否真的想又頂得順我單刀直入的教導和點醒？

http://hk.apple.nextmedia.com/financeestate/art/20160226/19506316

做護士
不是個個人都為理想做護士
既然如此, 就要想想, 你覺得生命中哪一樣野最重要
錢?
健康?
家人?
興趣?
理想?

排一排, 不難會找出自己喜歡的路

雖然, 可能一開始沒有如自己想像般走進喜歡的路
會有怨言
但此地不留人, 自有留人處
總得要找個地方, 讓自己開開心心工作下去
畢竟, 人生1/3的時間, 都是在工作中渡過的.

有望說再見

網友總說: 又要怨, 又要做HA. 妳唔好做HA囉.

講得一點也不錯.

我就正朝著離開HA的方向發展了..

雖然, 

不捨得臨床的工作.

但每天面對流水作業的工作, 彊化的機制. 我不能把每件事都變得很有意義. 甚至無力感愈來愈重.

而且小護的身體也殘得好快. 已經不能像以前般從容應付大量的體力勞動、輪班...

所以我決定向另一個方向發展了

聞說_護士人工

聞說護士人工幾高..
聞說護士有約滿酬金...
聞說有10萬蚊約滿金..

聞說..
其實聞說HA會將你的約滿酬金扣返幫你付供了3年的MPF.
聞說即是你幫自己供2份MPF. 而HA一蚊都唔想出..
聞說你這樣只剩下 < 8萬元
聞說..其實你還未計交稅.

聞說, 我們的allowance得5%
聞說,一直都是得5%
聞說, 當護士很有愛心, 所以會與HA共渡時艱
但聞說, 原來是不可能共富貴
又或者, 這不是共富貴, 只是取回本身應得的.

但事實上,
HA只是一間又要馬兒好又要馬兒不吃草的機構.
看今次醫生靜坐加薪事件就知道.
就看HA什麼時候把你換掉, 把你們通通都換掉, 換做內地的平價醫護
就看有什麼後果.

我的同事系列 (十四)

大家試過追更追到唔知醒嗎??

話說有一天...
有人不知醒, 沒返到A更..
而偏偏A更只有2位同事返工...

來吧在資訊發達的年代
一於CALL醒這位同事!!!!!!!

經過個多小時的尋人事件:
電話CALL唔到~ 無朋友~無家人~無鄰居~無結婚~無生仔~
原來人間蒸發好容易!!!!!

結果..NIGHT的同事直踩至同事自然醒!

結論是::::::::護士們,
記得結婚嫁/娶返個人肉鬧鐘呀 ""
又或者..記得訓覺都要開電話!

新香港人入/出院記

小護成日都懷疑自己去左青山做~~~
又或者小護自己應該都是同世界無法接軌~
唔係點解成日都同班人９通唔到～

一位年青操不正廣東話的新香港人女士, 打扮得花枝招展.
手持一部IPHONE6, 腳踏一雙粗跟白色厚底高跟鞋, 咯咯咯咯.....異常"高貴"地admit.....

小護例牌按「點心紙」問症收症~~

小護: 你有無食煙飲酒習慣?
新香港人: 嗯..毛呀..
小護: 好. 咁你有無假牙鬆牙呀?
新香港人: 呀姑娘~ 鵝平時其實柚唱下K食下煙
小護: 咁你依家仲有無食呀!
新香港人: 鵝衣加無拉~~
小護隨手改為「已戒煙+social smoker before」
新香港人: 呀姑娘~~
小護: [瞪] 點呀?!
新香港人: 鵝見妳寫左已戒~錦鵝嘟吾算拉其實~~~妳甘寫會唔會演響鵝cam保險架~~
小護: [典解你又要俾鵝知你有食煙呀???? 你一係唔好話我知啦~~~你俾我知又要我講大話啦係咪咁話呀? 我地一齊呃保險佬啦~~~仲有我點知你份乜野NASA包你上太空保險呀????? claim唔到保險同姑娘我有咩關係呀?? 不如我同你講你claim唔L到架啦~~ 買我sell開果份啦~~~...~呀腦海再黎多叮一聲~~~「你有保險借問入黎公園做乜春呀新香港人~~?」]

轉一轉臉~整番好D眼耳口鼻，瞪實個新香港人, 再同佢講: 「其實我寫左你係間唔時食~已戒,」
「哦...」
「 咁你有無假牙鬆牙?」
新香港人: 假牙就無.
小護: 「咁鬆牙呢?」[你可唔可以一次過答我個咁簡單既問題???????」
新香港人: 鬆牙就有囉
小護: 「邊隻呀?」
「即係呢~鵝又吾系覺得好鬆既~即系刷牙果陣會覺得有D鬆梗囉」
「咁即係邊隻呀?你指俾我睇」
「都話吾系邊隻鬆咯, 即系刷牙成棚牙軟軟DEE, 鬆鬆DEE咁囉」
「................」
「呀姑娘呀~妳記住幫我同醫生講叫佢小心D我棚牙呀!」
「...............你一陣同自己同佢講...........」

然後..
她真的repeat再repeat...
重複講了好幾次俾醫院上下各位聽~~

小 心 她 棚 豆 腐 渣 牙 ~~~喔


後話::::
到出院天
姑娘: 你係咪自己叫屋企人黎接你?
新香港人: 你幫我call我老公~
姑娘: [明明才剛放低電話, 疑似同老公講完一輪電話架....] 點解你自己唔call??
新香港人: 鵝依家喉嚨流血呀!!!!
姑娘: [大驚]流血? 流左幾多?
新香港人: [遞紙巾, 巾上有幾條血絲]
姑娘: 哦..呢個做完手術後係正常
新香港人: 總之你同鵝CALL鵝老公泥摺鵝! 我同佢鬧左交! 你同佢講鵝喉嚨衣加流梗血呀! 叫佢泥摺鵝拉!!!

[..................oh]

小 鬼 故 一 則

某朋友在某猛鬼病房工作. 小護道聽途說小事一則
所以, 講故不要駁故 (嘿)


話說病房裏總有幾部電話,
某天深夜
朋友在護士站坐著"休息休息"....
突然護士站的電話響了..

"鈴鈴....."

朋友拾起聽筒: 「喂? 喂? 喂? 」無人聽.
不以為然, 大概是打錯吧!

過了1分鐘, 護士站第2個電話又響了

"鈴鈴....鈴鈴...."

朋友一手拾起聽筒: 「喂喂? 喂? 」又無人聽.
大概..又..又是打錯吧?...

再過了1分鐘, 今次是FAX機響了...

"嘟..嘟嘟..."

但竟然, 沒有紙FAX來!

朋友不禁打了個冷震!
但竟然沒過了半分鐘, 到經理房入面的電話響!!!!!!!!!!!!!

你~有~種~接~嗎~?~?~?

最後,
另一位同事實在是忍無可忍. 一手拿起聽筒, 粗聲粗氣說: 「你玩夠了沒有!!! 無人嘛!? 無人呀SIR我好忙! 收線啦!」

結果...整晚也真的沒有收過電話!

真的撞鬼了????

有說有位女~年輕~病人~~
晚上時跟我說::::::::「姑娘~~我成身都好軟~~」

小妹: 「你做完手術會累D~都好正常~」
病人: 「唔係呢..我覺得D骨好軟~」
小妹: 「下?」
病人: 「我今日食左鈣片~點解都咁軟~」
小妹: 「咁你係咪O岩O岩食呀?」
病人: 「係呀」
小妹: 「咁你過一陣吸收下就會無咁軟架啦...............」


............................



過多一陣~半夜3更~

病人按鐘~

病人: 「姑娘~我要去廁所~」
小妹: 「你骨無軟就去啦~」


再過多好多陣~
為什麼病人仲未出廁所???? 睇睇先....

在廁所門口一裝~只見鏡中有一白面披頭散髮之女~目光呆滯~望住塊鏡~不能動彈半分~
小妹心感一驚, 莫非真的俾我遇上了!?!
喃嘸阿彌陀佛.. 有怪莫怪. 我生平可能就鍾意鬧鬼班操大6口音ge無知兼講泥講去都唔明ge病人..又鍾意串WARD入面D維園呀伯, 又或者借D意鬧下D學生...之不過都唔使咁樣嚇我掛.....

唉, 都要入去睇gala.
我不入地獄, 你入咩?
你入左, 我仲要報AIRS

一推門入去, 年輕女鬼話: 「姑娘.......我..流左...好多...血啊.....」
「下!!!!!!!!!!!!!!!!!!!!!邊度?! 俾我睇下」
「拿~~」

年輕女鬼就拿出了估計有5ml血的紗布俾我睇..

小妹: 「無la?」
鬼: 「好多啊.....」
小妹: 「哦..咁我扶實你返去訓啦~」 (迷之聲: 訓啦7頭...細路女夜媽媽就唔好諗咁多. (你話緊你自己呀?????????) )

私隱線

現今社會科技真的太發達~
不知道各位兄弟姐妹個WARD有無開WHATSAPP GROUP?
又不知道各位兄弟姐妹想唔想JOIN個WHATSAPP GROUP?

小妹~~
就因此而被踢入WHATSAPP GROUP (哭)
GROUP中有經理~有護士長~什麼人都有~全WARD齊集~~
有什麼消息~一定經WHATSAPP GROUP發佈~
無聊至今日惠康大減價~
重要至~升左RESPONSE LEVEL~
什麼都要在WHATSAPP GROUP講~
不追POST~ 人家又說怎麼你不知道啊~~~
追了POST~ 又覺工餘時間為什麼我還不能脫離工作的魔掌~

自覺在醫護界理應交更無甩漏走得~
但竟還要受此嚴刑迫害~
更不用說香港位位打工仔~

天呀~
可否立法禁止我班 上司同事~
隨時隨地WHATSAPP..兼在我AL~OFF~的日子打俾我呀???????

打者應該去....同我包換全WARD片一年~~~~!!!!!!

我的同事系列 (十三)

記得我被「賣豬」 (借到隔離WARD)
說是病房太忙了
過到去..要我「包糖」
OK啊沒問題
但原來卻是不懂拆PIGTAIL DRAIN
所以專門叫我過去拆


原來豬仔才懂拆豬尾!!!
老虎獅子們無食左我就算偷笑 (哭)

FYI!!!!